Hivi ni bora filamu au filamu bora bongo movies?

Namshukuru mola kwa kuwa nina afya njema mipango yangu ya kuandaa filamu inakwenda vizuri jicho langu leo katika filamu nitaangazia ubora wa uzalishaji wa filamu na tamthilia za hapa nyumbani.

Miaka ya hivi karibuni idadi ya filamu na uzalishaji wake umeongezeka mara dufu ya kipindi cha nyuma hili ni uthibitisho kwamba filamu Tanzania ni biashara kubwa na ina soko sasa je najiuliza ni bora filamu au filamu bora?

Tukianzia na hili la uzalishaji kama nilivyosema hapo mwanzo idadi ya filamu zinazozalishwa hapa nchini Tanzania umeongezeka maradufu lakini cha kusikitisha uzalishaji huu hauzingatii ubora wa filamu nasema hivyo mfano msanii au kampuni kwa mwezi mmoja inatoa filamu tano kwa msanii mmoja sasa unajiuliza hadithi inatungwa saa ngapi au hiyo script(screen play) inarekebishwa muda gani mpaka ikapatikana script sahihi(final draft).

Swala jingine uzalishaji wenyewe je ni viwango vinavyotakiwa? jibu nalo lipata ni hapana uzalishaji hauzingatii ubora kwa mfano jioni moja nilibahatika kuangalia filamu moja wapo jina sitolitaja lakini cha kusikitisha nilichokiona katika filamu ile ni uzalishaji mbovu tukianzia katika upande wa sauti, sauti za waigizaji zilikuwa hazisikiki kabisa nilichokuwa nasikia ni sauti za nje ya dialogue(sound track) basi sasa unajiuliza walitumia vinasa sauti vya aina gani? kurekodi pili waigizaji baadhi walichemka nashindwa kuelewa director hakuliona mfano muigizaji anahadithia tukio la huzuni la kufiwa na mtu wake wa karibu kweli anaonyesha huzuni lakini kutoka hapo kwenye huzuni sasa ghafla anaanza kucheka na mwenzake wakati huo huo walikuwa katika huzuni hao hivi ni rahisi kweli kihivyo hisia ya huzuni kubebwa ghafla na furaha ikizingatia huzuni yenyewe inahusisha kifo cha mtu wa karibu kabisa...kazi ipo

Na hili jingine ni la kusikitisha na kufedhehesha jamani hata maongezi(dialogue) katika filamu zetu kwa lugha yetu tunashindwa kweli? hili nililiona katika tamthilia moja wapo inayorushwa na kituo kikubwa cha televisheni hapa nchini katika hadithi ya tamthilia ile kulikuwa na tukio mauaji na kama kawaida askari walikuwa katika tukio lile kwa ajili ya uchunguzi cha kuchekesha sasa mmoja wapo wa askari wale akawa anaongea kupitia simu ya upepo(radio call) maongezi yake yalianza hivi...."AFANDE KUNA MAUAJI YA MAITI......? niliposikia nikashtuka na kupigwa na butwaa hivi hawa waongozaji,wasanii wenyewe na hata hayo makampuni wataendelea mpaka lini kushusha hadhi yetu ya filamu hapa Tanzania na kuturudisha nyuma kweli tuna hatua ndefu sana kufikia mahala tunapopataka.

Wakati nipo chuo kikuu cha Dar es salaam nilisoma kozi moja ya African Cinema katika kozi ile kulikuwa na kipengelee cha kupitia filamu za kiafrika na kuzifanyia uchambuzi kwa kweli nilifurahishwa na filamu ya Harusi ya Mariam filamu ambayo imechezwa hasa katika mandhari ya vijijini Tanzania wakiwemo waigizaji maarufu kama mama Tekla Mjata ukisikiliza maongezi(dialogue) kweli unasikia hasa lafudhi za watu wa eneo lile sikumbuki ilikuwa ni sehemu gani ya kijiji na hata sauti zilikuwa katika ubora wake ikumbukwe ni kipindi cha nyuma kidogo miaka ya kati ya sitini na sabini hivi wakati ambao vifaa vya kurekodi si vya kisasa kama ilivyo sasa

Ombi langu bodi ya filamu Tanzania na Basata kuna haja ya wahusika kutazama utitiri wa filamu hizi unaotokakila kukicha bila kuzingatia ubora na kuturudisha nyuma hatua kumi badala ya kusonga mbele....