HILI LA ADA ZA UANDAAJI FILAMU LIANGALIWE UPYA NA BODI YA FILAMU TANZANIA

Namshukuru mola kwa kunijaalia afya njema mpaka wakati huu kila binaadamu anamatarajio yake katika maisha yake lakini kubwa ya yote ni afya njema mungu mjaalie dada yangu aendelee kupata ahueni.

Mwaka jana mwezi wa kumi niliandika makala kuhusu sanaa ya filamu Tanzania na utitiri wa uzalishaji wa filamu kila kukicha bila ya kuzingatia ubora wa kazi hizo niukweli usio pingika kazi hizo hazina ubora kuanzia katika uandishi wa hadithi za filamu(story) katika miswaada(script) mpaka katika uzalishaji mzima (production).

Kilichoniua nguvu mwaka huo mwaka jana bodi ya filamu na michezo ya kuigiza ikaingiza kanuni sijui waigizaji wenyewe na wataarishaji filamu walishirikishwa,kanuni hizi moja ya kanuni ni hii 1. Wataarishaji filamu kuomba kibali cha kuandaa filamu kwa ada ya laki tano 500,000Tsh fedha za kitanzania mwenzi mmoja kabla ya kuanza kuandaliwa kwa filamu 2.Baada ya kibali upitiaji wa mswaada kwa ada ya 60,000tsh kutegemea na urefu wa hadithi kwa saa, sababu eti ni swala la uzingatiaji wa maadili walikuwa wapi wakati wote huo kanuni kama hizi zinaletwa sasa wakati huu kukiwa na utitiri wa filamu, ni ukweli usio pingika soko limekubali kanuni hizi hazilengi filamu za kitanzania hata zile za nje pia kwa upande wa uingizwaji wa filamu hizo nchini.

Kanuni hizi kwa upande mmoja hazilengi kumsaidia mwananchi wa kawaida ambaye kwa mapenzi ya dhati amejiingiza katika ujasiriamali huu wa uandaaji wa filamu ada ni kubwa mnoo bodi ya filamu waliangalie hiloo huenda ndiyo ukawa mwisho wa filamu za kitanzania ingawa katika upande wa pili ikasaidia katika kulinda maadili cha muhimu kanuni hizo zilenge pande zote mbili.

Wazo langu moja serikali na bodi ya filamu na michezo ya kuigiza Tanzania ipitie upya kanuni hizo na kupunguza ada ya uandaaji hailengi kumsaidia mjasiriamali wa kawaida mwenye ujuzi na sanaa hii.

Mbili serikali na bodi ya michezo ya kuigiza itumie nguvu nyingi katika kulinda kazi hizi za sanaa zisihujumiwe na watu wachache wasiojua uchungu na adha tuzipatazo wataarishaji filamu na waongozaji gharama ni kubwa katika kutafuta location(maeneo ya upigaji picha), waigizaji wenyewe,kampuni ya upigaji picha,usafiri na hata kuweka wasanii kambini ni gharama mnoo.